يالا بينا نفضفض

يالا نحكى يالا نقول حكاياتنا مع الحب وحكاويه اللى تطول
احكى عن حبك القديم احكى عن حبك الجديد احكى عن املك فيه
نفسك تقابل مين نفسك يكون حبيبك ازاى
امنياتك فى الحب والرومانسية ومشاكلك كلها وايه هى
ويالا نتكلم ونقول حكاوينا مع الحب اللى يطول

انا هبتدى

بس قبل ماابتدى

عايزه اقول لمحمد بجد بجد فكرتك دى جميله جدا
وياريت اللى يدخل يتكلم بجد من غير هزار او يتريق على كلام العضو اللى قبله

انا طبعا حبيت مره واحده فى حياتى فى الاجازه اللى قبل ماادخل سنه تانيه
واللى هايقولى كدابه ازاى حبيت مره واحده هاقوله قصدى حب حقيقى
ولو اعجبت بحد ده طبعا من يبقى اعجبت من وانا صغيره فى الاعدادى
بس طبعا الشخص ده بقى حب قديم ليا لانى حبيته عشان طيب بس وحسيت انه ملتزم ومحترم مع انه مكنش على الدرجه من الوسامه اللى تخلينى احبه بس طبعا انا الشكل عندى اخر حاجه ممكن افكر فيها فى الشخص اللى بحبه
وطبعا انا وصلت لدرجه كبيره فى حبه مش من نفسى كده بس عشان كنت ساعات بحس انه مهتم
لان انا من النوع اللى مش بحب من نفسى انا بس ممكن تعجبنى حاجه فى الشخص وبعدين لو حسيت انه مهتم بيا وحسيت انه بيحبنى ممكن مش بس احبه انا بموت فيه كمان
بس الشخص ده طلع من النوع اللى لما بيلاقى حد بيهتم بيه بيتغر فى نفسه ويتكبر عليه وانا طبعا بكره الغرور والتكبر
اللى هايقولى انتى كرهتيه يبقى انتى ماحبيتهوش من الاول هاقوله انا مكرهتهوش ده انا اتعذبت جدا بسبب كده واصحابى اللى معايا فى الكليه ساعدونى طبعا هما اصلا ماكانوش موافقين عليه من الاول
وكانوا كل مايشوفوه يقولولى انتى بتحبى فيه ايه وساعات بيتريقوا عليه
لدرجة ان مره واحده صاحبتى كانت قاعده معايا هى وواحده تانيه صاحبتى
قالتلى انه مش حلو خالص ومتكبر
لاقيتنى سرحانه وهى بتكلمنى قالتلى انا بهزر معاكى قولتلها عادى انا اصلا كل ماحد يقولى عيب فيه بحبه اكتر وده حقيقى
وفى الاخر ملوا من انهم يكرهونى فيه بس ...

طبعا عن حبى الجديد ده صعب انى احب تانى دلوقتى خالص
ولو هايكون فى حب جديد اتمنى انه يكون طيب ومش مغرور وعارف ربنا كويس والشكل يكون مقبول بس مش اكتر لانه مش فارق معايا

وبالنسبه لنفسى اقابل مين نفسى اقابل ربنا من غير اى ذنوب
ومين نفسى يكون حبيبى زوجى طبعا لما اتزوج ان شاء الله

امنياتى فى الحب والرومانسيه
انى اتزوج اللى بحبه او اللى بيحبنى مش شرط اكون انا بحبه لانه لو حبنى انا هحبه طبيعى

وبالنسبه لمشاكلى
انا الحمد لله معنديش مشاكل دلوقتى بس كل واحد اكيد بيقابل مشاكل فى حياته

انا كده خلصت ولمره تانيه محمد بجد موضوع جميل وتسلم ايدك عليه

انتى شخصيتك حلوه قوى يا هارى

ربنا يخليك يامحمد

انا قصدى على محمد ملك روحى اوك

هههههههههههههههه انا عارف طبعا

هارى الواحد بيعيش ويتعلم ومتندميش ابدا لانك مش حتتعلمى الا لما تنجرحى وتشوفى كتير والواحد مش بياخد اكتر من نصيبه فى الدنيا ويمكن انتى شايفة انه احسن حد فى الدنيا ويمكن ربنا كاتبلك واحد احسن منه مليون مرة فى كل حاجة ولا ايه

كلامك صح محمد

تصدق انا شويه وحعيط
اللي يشوفكوا في الموضوع دا غير اللي يشوفكوا في بقيه المنتدي

E22222222222222E

تصدق انا شويه وحعيط
اللي يشوفكوا في الموضوع دا غير اللي يشوفكوا في بقيه المنتدي

طب اجيبلك منديل

وبعدين احنا قولنا مش عايزين تريقه ولا ايه

حلو اوى اوى يامحمد عل موضوع بجد كتير اوى مننا بيكون عاوز يحكى لحد بس مش عارف يحكى لمين .. ويامن لمين اصلا وبجد واحنا هنا كلنا كويسين مع بعض وبنحترم بعض اوى اوى
وانا طبعا معنديش حاجة اقولها عشان معنديش حب قديم ولا حاجة الحمد لله وانا نفسى لما احب واحد يكون هو ليا طول العمر واكون معاه مش نفترق ويكون مع غيرى وانا مع غيرة انا اتمنى يكون نصيبى كدة عشان ارتاح وميكونش ليا ماضى قديم
ومحدش عارف فين نصيبوا وربنا يستر
ميرسى كتير محمد عل موضوع

انا رجعت المنتدى مخصوص علشان اكتب الموضوع ده

انا فعلا حصلت معايا الحاجة اللى عمرى ما كنت متخيل انها تحصل
انا حبيت اجمل بنت شفتها
فيها يمكن معظم اللى كنت بتمناه ان مكنش كله
بس للاسف انا حاسس انه بيضيع من ايدى الحب ده اللى فضلت ادور عليه طول حياتى

انا بحبها وخايف تضيع من ايدى
يمكن اكون ضايقتها كتير بس من غير ما اقصد
لكن ده من حبى ليها وخوفى عليها
يمكن كنت بوصل الكلام بطريقة مش صح
يمكن كانت بتاخدها على انها امر منى
بس والله انا كنت بعمل كده علشان بحبها
انا بغير عليها من الهوا
يمكن اموت لو شفتها بتكلم حد
يمكن اقتلها واقتله
بس برده انا هفضل احبها مهما حصل
وهحاول على قد ما اقدر انى مسيبهاش
واوعدها انى دايما هحسسها بالامان
وهحطها جوة رموش عنيا واغطيها بيهم
بس كل ده وهى مش مقدرة حبى ليها
ومش عارفة قد ايه انا جيت على نفسى علشانها
وهى لازم تعرف انها كتير غلطت فى حقى وانا كنت بعديلها

بس المرة دى هى عايزة اجازة من الاحساس بالحب لمدة سنتين او تلاتة
يااااااااه مكنتش اعرف ان الحب بياخد اجازة
بس على الرغم انى بتعذب بسبب حبى ده
الا انى مبسوط اوى كمان
علشان لقيت الحب اللى كنت بدور عليه ومش ندمان
ياريت يا جماعة تقولولها انها روحى وحياتى وعمرى كله وانى مقدرش استغنى عنها مهما كانت الظروف
وانى هيأت حياتى خلاص وهى معايا
وكل مستقبلى بيها
وكل حلم بحلمه ليها وعلشانها
ومش هيتحقق الا بيها
هى حبيبتى وكل اللى ليا
انا كنت اسعد انسان وانا معاها
وبرده دلوقتى اسعد انسان علشان حبيت واحدة زيها
كتير دورت عليها واستحالة هضحى بيها
بس هى كمان لازم تدور عليا وتقدر احساسى
وعلى الاقل تحسسنى انها ليا وانها بتحبنى

عايز اعرفك ان انا بجد بحبك ومش عايز من الدنيا غيرك

مهما قلت مش هخلص كلام عليها
وعلى حبى فيها
بحبك

اهلا بعودتك يا ابو على من جديد

الله يابوعلى الكلام ده انا مصدقاه فعلا وواثقة انه من قلبك بس ياترى مين اللى ربنا بيحبها وكتبلها انك انت تحبها الحب ده كله انا تقريبا عارفة بس يارب يكون صح

انا عايزاك تقولى يابوعلى بس بينى وبينك

هههههههههههههههههه
انا طبعا يا ريتاج تقدرى تشكى ف كدا
اكيد لالالالالا

التشجيع شغال عليك يا بوب والاهتمام كله ليك يا عم بيس يا مان

وعامل لي سبع رجاله !

ههههههههههههههههه ما هو فعلا سبع رجالة بس هم دلوقتى ف مارينا هههههههههههههه
بس يا لسانى اسكت ...اسكت عيب هههههههههههههههه

هو قالك امتى انهم راحوا مارينا

يا جماعة البنت دى هتجننى

دى لسه فى فترة الاجازة

انا كده هتشل وهشد فى شعرى

انتى شكلك هتموتينى قبل ما اسمع منك كلمة بحبك

ولا انتى ناوية معايا على ايه

عموما انا مش هتنازل عنك

ومش هسيبك علشان تبقى عارفة بس

انت قصدك على مين يا بوب انت دوختنى معاك

انا طبعا يا محمد

مخك على قدك

وانت مش ناوى تكلم على بنت ال بتحبها يا ابو جمال ولا ايه نظامك الولا ابو على اندب واتكلم ووقع

وانت بقى مش هتحكى ولا ايه
حتى انا انا مش عاوز تقولى هتجننى هتجننى ههههههههههههههههه