يابـوي لا يلحقـك شـكٍ ولاريـب
انفض هجوسك وارفع الراس عالي
أنا شبابك لا غزى راسـك الشيـب
وانا عضيـدك لـو تجـور الليالـي
إي والله ابشر يا راعي الطيب بالطيب
والله لسدك لـو يضيـق المجالـي
آمر وتحت امرك تهـون المطاليـب
إنخـا وتلقانـي قـريـبٍ مـوالـي
أجيك كلي ما خشيـت المصاعيـب
لي طبت تكفا يا يبـه طـاب فالـي
إن عاش راسي يا عزيز المجاذيـب
لشيل حملك لـو يفـوق احتمالـي
واطفي ضماك زان حثربن المشاريب
واسقيك من زنـدي قـراحٍ زلالـي
ولا يهمـك يـا كريـم المواجيـب
يفداك حالـي يـا يبـه والحلالـي
إبشر وذيبك يا رفيع الشـرف ذيـب
يابـوي دام تشوفـنـي لا تبـالـي